لو كنت كنت عملت بجد ؟ابو فارس

ده شرح لــ كيفية التصرف وقت الثورات ( تحسبا لأى ثورة جديدة الحكام ولاد الحرام كتير )
===================================================
1 - لو كنت الرئيس اوعى تقطع النت , في ناس كتير نزلت المظاهرات الأخيرة عشانه

2 - لو كنت نائب الرئيس متوقفش حد يبص بطريقة مريبة وراك عشان هتتمسخر انت و هو
...
3 - لو كنت مغني و حبيت تغني حاجة للثورة و الشهداء متجبش سيرة الشهر اللي ماتوا فيه خالص و اسأل اونكل حمادة هلال هيشرحلك أكتر

4 - لو كنت من الناس اللي عندهم ولاد أخ بيضربوا كوارع كل يوم ع العشا , تبقى اول ما تسمع عن الثورة خزن أكبر عدد ممكن من الريش و الــ(ـــبيدزا )

5 - لو كنت مذيع في تلفزيون الحكومة متحاولش توهم الناس ان المظاهرات دي لصالح أعداء البلد في كوكب زحل عشان الشعب مش بـــ يريل على نفسه و بحجرين قلم هيشغل الريموت و يجيب الجزيرة

6 - لو كنت شخصية سيس مشهورة متنزلش مكان المظاهرة خالص عشان هتضرب و هتتشتم و هتحصل فيك حاجات مش و لابد في الزحمة

7 - لو كنت شخصية سيس مشهورة و مخدتش بالك من رقم 6 و حصلك اللي حصل متقعدش تعيط في مكان موجود فيه حد ماسك موبايل بكاميرا ( الناس كلها عملت أكونتات ع اليوتيوب و هتتفضح )

8 - لو كنت ممثل , يا تقول كلمة حلوة يا تقعد في بيتك تتفرج على أفلامك في التلفزيون و انت قاعد مأنتخ ع الكنبة و بتاكل موز , لأن الشعب هو اللي عملك ( الرئيس بينزل الأفلام من ماى ايجي )

9 - لو كان ليك دور في الثورة او من أبرز الشخصيات فيها حاول تنوع من ماركات تي شيرتاتك و أبعد عن الهدوم اللي عليها حيوانات خاصة الاسد

10 - لو كنت واقف في المظاهرة و شوفت دبابة , اتصور جنبها و متتكسفش....مش بنتظاهر كل سنة احنا

11 - لو كنت بلطجي حاول تستغل الفرصة بدري بدري , و اعمل خطة مفاجأة للمواطنين يعني مثلا تسرق شقة الفجر , ادخل اسرق محل قبل الحظر , اتنكر في لبس الجيش
( شغل مخك يعني هو انا اللي هقولك)

12 - لو كنت مواطن عادي و ناوي تنزل لجان مقاومة شعبية يبقى تنزل بحاجة عليها القيمة ( سيف _ مطوة - شومة _ خنجر ) او تقعد في بيتك أحسن و قولهم ان عندك البواسير