صياغة الكرامة ( الجزء الأول )

عضو عدد المساهمات : 15 تاريخ التسجيل : 22/03/2011

شعور سخيف أنك تحس بأن و طنك شئ ضعيف
صوتك ضعيف رأيك ضعيف إنك تبيع قلبك و إسمك
وإنك تبيع قلمك و جسمك ما يجيبوش حق الرغيف
دة شعور سخيف
يا ساقية دوري عدي فوقي و دوسي نصبوا عليه و شحتوني فلوسي
ربطوني فيكي حتي ما أتغميت هما اللي فرحوا و وحدي أنا أتغميت
أنا اللي صاحب البت عايش بدون لازمة و لما مرة إشتكيت
أدوني بال ...................؟
طافح يا بلدي غدايا و لوعتي غدايا و أدي الأحبة إلتقوا
و أتجمعوا عدايا أنا اللي زارعك ذهب
بتأكليني سباخ إن كان ده ثقل ودلع بكفاية دلعك باخ
لا شفت فيكي هنا و لاشفت فيكي طرف كل اللي فيكي قرف
كرامتنا متهانة و اللقمة بأهانة بتخلفينا ليه لما أنتي كرهانه
يعني إيه تبقي إنتي هبة النيل يا مصر و كل يوم المية تنقطع
يعني إيه لما نشتكي غلوا الفاتورة يقولوا تشكي بس تدفع
لما قش الرز ثروة بتتحرق لما نفط الأمة ثروة بتتسرق
و أما جلادك علي و لادك بيبطش و أما علمك ما يلاقيش ياكل فيطفش
يعني إيه نرفع إيدينا بالسلام لجل الغزاة
يعني إيه لما أبقي ماشي في حالي أتشد إشتباة
يعني إيه لما أتحبس أربع سنين حبس أحتياطي حبس أعتباطي
يعني إيه مش حاسه بالعمر و غلاوته بتصبي مر العمر ليه
دة أنا كنت هوهبلك حلاوتة دة أنا عمري ما أتأمرت و لا حطيت شروتي
و مكان ما ترسي مركبك ببني شطوتي
أنا كنت جيشك لما مماليكك باعوكي وكنت يوسف لما عشتي سنين عجاف
و ضلوعي دي إللي في معركة قادش حموكي و شافيفي دي مابطلتش في يوم هتاف
دة أنا كل شبر في أرضك أتمرمغت فيه و كل يوم عشتيه أنا أتعزبت بيه
بتكرهيني عيونك السودا و أيامي اللي فاتت ما نتش حبيبتي من النهاردة
حبيبتي ماااااااااااااااااااااااااااااااااااااااااااااااااااااااااااااااااااااااااااااااتت
إلي اللقاااااااااااااااء في الجزء الثاني
إهداء إلي زملائي الأعزاء
الأستاذ / حسن قطيط
الأستاذ / محمد حامد
الأستاذ / مايكل محروس
الأستاذ / محمد الحو
الأستاذ / محمد جمال سلامة
الأستاذة / مروة الدسوقي
وإهداء خاص للمبرمج /أمير الغنيمي
وكل أعضاء المنتدي الكرام كلا بإسمه

الف شكر يا سمسم بجد انت اسلوبك جامد

زائر

جميل ياأسامه
واصل ياغالى ابداعك العالى